سياسة الخصوصية
بياناتك على جوالك بس. كاب إت ما عنده خادم، وما يرسل بياناتك لأي مكان، وما نقدر نشوفها.
1. وش البيانات اللي يستخدمها التطبيق؟
اللي تكتبه أنت بنفسك فقط:
- مبلغ راتبك ويوم نزوله.
- رصيدك.
- التزاماتك وأقساطك ومواعيدها.
- مصاريفك ودخلك الإضافي، مع التصنيف والملاحظة إذا كتبتها.
- هدف الادخار.
- إعدادات التنبيهات.
ما نطلب اسمك ولا رقم جوالك ولا إيميلك، وما نطلب حسابك البنكي ولا أي كلمة مرور.
2. وين تنحفظ؟
على جوالك، داخل التطبيق. ما فيه حساب، ولا نسخة احتياطية على خادم، ولا مزامنة بين الأجهزة.
3. هل نشاركها مع أحد؟
لا. ما نبيعها، ولا نشاركها، ولا نستخدمها للإعلانات. والتطبيق ما فيه إعلانات.
4. التنبيهات
التنبيهات تنجهز على جوالك نفسه، وما تمر على أي خادم.
5. النسخة التجريبية عبر TestFlight
إذا جربت التطبيق عبر TestFlight، فـApple تجمع بعض البيانات حسب سياستها، وتشارك معنا اللي تختار ترسله بنفسك (مثل لقطة شاشة مع ملاحظة، أو تقرير عطل). نستخدمها بس لتحسين التطبيق.
6. حذف بياناتك
- من الإعدادات ← احذف كل بياناتي، تنحذف كل بياناتك من جوالك فورًا.
- أو احذف التطبيق، وتنحذف معه.
- لأن البيانات ما توصلنا أصلًا، ما نقدر نرجعها بعد الحذف.
7. حقوقك
نلتزم بنظام حماية البيانات الشخصية في المملكة العربية السعودية. ولأن بياناتك عندك أنت، تقدر تطّلع عليها وتعدّلها وتحذفها من التطبيق نفسه متى ما حبيت.
8. لمن التطبيق؟
كاب إت موجّه للبالغين (18 سنة فما فوق).
9. هذا الموقع
موقع capit-tech.com ما فيه أدوات تتبّع ولا تحليلات ولا إعلانات، وحاسبة «احسب رقمك» تشتغل في متصفحك وما تنحفظ. مزوّد الاستضافة (Cloudflare) ممكن يسجّل بيانات تقنية مثل عنوان IP عشان حماية الموقع وتشغيله.
10. التغييرات
إذا تغيّرت هذي السياسة (مثلًا لما نضيف النسخة الاحتياطية أو الربط البنكي لاحقًا)، نبلغك داخل التطبيق قبل التغيير، ونحدّث تاريخها هنا.
11. التواصل
إذا راسلتنا على الإيميل، نشوف إيميلك ورسالتك ونستخدمها بس عشان نرد عليك، وما نشاركها مع أحد. أي سؤال عن خصوصيتك:
support@capit-tech.com